Tidleg ein morgon, rett før vi skulle dra på bading, dukka det opp ein sjeldsynt gjest i 5.klasse.

Ikkje bak glaset, men inne i det, ser du gjesten vår.

Lurer du på kva slags gjest det er?
Han kunne nok godt ha vore med på bading, men vi tok ikkje sjansen.
Gjesten vår måtte vente åleine på klasserommet medan vi for på bading.
Som du kanskje ser av biletet , er gjesten vår ein nydeleg frosk. I vatnet som den kom i, var det mange froske-egg.
Då vi kom att frå badinga, sette vi i gong og fann eit akvarium på sløyden. Det såg ut til å vere ganske tett, så vi gjorde det reint og fyllte det med vatn.
Her har frosken fått meir plass å boltre seg på.
Han fekk steinar og plantar, og til og med ein paddeflåte laga i all hast på sløyden.
Mange har studert og beundra frosken i det døgnet den har vitja oss.Nokre av jentene har kanskje gitt den ein smask for å sjå om det vart ein prins?

No har den helgapermisjon, og er ilag med dei andre froskane i dammen.