I førsteklassa har vi no ei stund jobba med sying. Alle elevane skulle sy kvar sin bamse.

Snakk om å vere flinke å sy! Etter at bamsane var ferdige, så ville dei gjerne sy klede og. Eit par av bamsane fekk piggar på ryggen i staden for klede, i ekte Sonik X-stil :-)
Null problem for så flinke førsteklassingar som vi har!

Her viser alle fram sine bamsar.

Som seg hør og bør, så må vi arrangere fest for dei flotte nye venane våre. Elevane skreiv invitasjonar som dei delte ut eit par dagar i forkant, dei dekte på og pynta bord, skreiv bordkort, laga vaflar og poppa popcorn.

No har bamsane flytta frå skulen og inn i sine nye heimar. Der har dei det nok så godt som berre ein bamse kan ha det!