Båltur til Flemsvika 27/2        

   
Tysdag i veke 9 var småskulesteget i fjøra på Flem. Denne veka var det bål som var tema. Elevane var delte i 4 grupper som laga kvar si båltype. Ei gruppe laga pagodebål, ei anna pyramidebål, ei gruppe laga nying og den siste gruppa laga viftebål. Elevane fekk utdelt ark med oppskrift på sitt bål. Deretter fekk dei i oppdrag å bygge dette. Etter alle båla var ferdig laga - såg vi på dei saman og alle fekk lære om dei ulike båltypene. Etterpå fyrte vi på båla og samanlikna kor godt dei brann. Tilbake på skulen skreiv elevane om båltypene og dei laga skisser over dei ulike båltypene. Det var også godt å få grille pinnebrød over båla.