Bakedag på småskulesteget

12. desember hadde vi bakedag på småskulesteget på Flem skule.

Det skulle bakast lefser og kokast søst og vi skulle lage lusse-kattar til Luciatoget dagen etter.
Til høgre ser vi ein korleis alle fekk prøve å bake ut minst ei lefse kvar. Alle fekk til, og ingen ga seg før dei hadde fått baka ut ei vellukka lefse.

Nedanfor ser vi neste steget som var å steike dei. Her gjaldt det å ha falkeblikk for når lefsa skulle snuast. Fort gjort å brenne baksten!
Ovanfor ser vi korleis lefsene blir smurde. Etterpå var det tid for ei kort pause, der alle fekk smake på lefsene.

Til høgre ser vi eit brett med så å seie ferdige lusse-kattar. Berre nokre få rosiner til, så er nok desse klare å få i ovnen.

Nedanfor er bilete frå utbakinga! Fin bakegjeng med lagånd og godt samarbeid!
Til venstre er noko av den ferdige gjærbaksten. Sjølv om Luciadagen enno var nokre timar unna - måtte vi ha oss ein smakebit av den innbydande baksten.

Nedanfor er bilete av søstkokinga. Det var spennande å vere med på å sprenge mjølka med surmjølk og eddikk. Og mange modige elevar turde å smake på det ferdige resultatet! Ein kjekk dag som gjekk alt for fort. Dagen etter var det Rektormøte på skulen, og då vart baksten teken godt imot.