- Natursti og kveldsmat!
Torsdag 5.oktober møttest elevar med sysken og foreldre til ei sosial stund i lag. På uteområdet var det laga ein natursti der det mellom anna var spørsmål frå tema som elevane har lært om i aktivitetsveka si. Familiane var fordelt på 12 grupper som sirkulerte på 12 ulike postar med aktivitetar og spørsmål.
Kva er naudnummera til Brannvesen, ambulanse og politi?
Kva temperatur bør ein ha når ein skal kjøle ned ein brannskade og kor lenge?
Kva tre ting må til for at ein brann skal oppstå?
Her skulle ein tippe kor mange steinar som var i eit glas, kor tung ein stein var og kor høgt det var opp til den nedste greina på eit tre.
Alderen på eit tre kan ein rekne ut ved å måle omkrinsen rundt stammen ca. ein meter over bakken og deretter dividere med 2,5.
Alle skulle kaste fem kongler kvar, og deretter skulle ein rekne ut kor mange treff ein hadde tilsaman.
Her skulle ein
finne namnet på 6 ulike treslag:
Gran, furu, hassel, bjørk, rogn og lønn.
Kor høg eller tung må ein vere for å nytte vanleg bilbelte?
Kva er påkrevd utstyr på ein sykkel?
Kva må du passe på når du skal krysse vegen på sykkel?
Her skulle små og store prøve ut balansekunstene sine!
Leik: To personar står mot kvarandre. Det er om å gjere å skubbe den andre ned utan å miste balansen sjølv!
Her fekk ein teste ut ei sykkel-løype med ulike utfordringar undervegs.
Her er det om å gjere å ta i mot ballen. Mister ein ballen fire gongar kan ein bli "gris"!
Her var det mange
vaksne som briljerte med ferdigheitene sine.
Nye generasjonar må også lærast opp!
Her stiller
alle seg i ei rekkje.
Det er kvar sin gong å treffe korga. Dersom du ikkje treff må du stille
deg under korga når den andre kastar. Dersom den andre treff korga då,
er du ute av leiken.
Her fekk alle prøve brystkompresjon og munn-til-munn metode.
Ein øvde også på å leggje kvarandre i stabilt sideleie.
1.-3.klasse opna stunda innandørs med å synge "Sandvika vår".
Songen var vakkert illustrert med lysbilete i bakgrunnen!
Elevane hadde baka bollar og rundstykke heile veka!
