Det store jubileums-året på Flem skule
2009 er eit spesielt år ved Flem skule. Det er 50 år sidan "nye-bygget" frå 1959 (biletet under) vart teke i bruk. Over ser de ein modell som 4.og 5.klasse har laga av skulen slik den ser ut i dag. Sidan 1959 er skulen påbygd med to fløyar. Grendahuset kom opp på midten av 80-talet, og har vore til stor nytte og glede for heile bygda.

Jubileumsåret må sjølvsagt feirast. Første runde vart feira siste dag før påske. Då arrangerte 4.og 5.klasse elevfest for heile skulen der det vart fokusert på skulejubileet.

 Ikkje nok med at skulen er 50 år. Det er uvanleg mange tilsette ved skulen som også feirar rundt år. Sjå berre her:

Nedst på biletet ser det 10-åringane ved skulen.
Øvst frå høgre har vi dei tilsette som jubilerer i 2009:

Veronica Fauskan (20 år), Ola Einar Flem (30 år), Karianne Urke (40 år), Liv Sæther Rogne (50 år), Herborg Hellouli (60 år) og Birgit Fjelle (70 år, tidlegare lærar, no trufast vikar)
Det var ei lydhøyr forsamling som lytta til det Birgit Fjelle hadde å fortelje. Det er alltid spennande å få høyre frå gamle dagar, og om korleis det var å gå på skule då. Då Birgit var lærar ved gamle Flem skule, var der 68 elevar som gjekk på skule annakvar dag.
4. og 5.klasse hadde laga eit flott jubileums-program  med mykje god underhalding.

Dei hadde dikta jubileums-song, dei spelte på blokkfløyte, dansa folkedans og hadde mini-pop-konsert.

Dei hadde også ei avdeling med artige skule-skjetsjar.
Eit populært innslag var også "Eit annaleis friminutt", der to klovnar plutseleg dukka opp og gjorde ablegøyer i friminuttet saman med elevane.

På menyen var det pølse med brød og jubileumskake som elevane hadde laga sjølv.
 

 

Stor takk til
4.og 5.årstrinn
som laga ein kjempefin fest!