2009

Årets juleball (21.12.10) HSR I sin finaste stas møtte elevane ved ungdomsskulen, samt 7. klasse på begge øyane opp til juleball mandag kveld. Elevane i 10. klasse hadde laga til eit flott ball med graut, nissebesøk, program og gong rundt juletreet. Sjå bilder her

Nissebesøk (21.12.10) AMU Tradisjonen tru hadde vi nissefest i skogen, med sprakande bål og historia om Snekker Andersen. Sangen frå alle smånissane lokka sjølvaste nissen ut av skogen. Alle fekk smake nissesjokolade. Så var det tid for graut. Ingen nissefest utan graut. Godt med god og varm graut i kulda. Sjå bilder

Tidspunkt for skulegudsteneste (20.12.10) HSR I morgon blir det skulegudsteneste KLOKKA 9.45. Vi ynskjer alle hjarteleg velkomne til ei hyggeleg stund i kyrkja!

Tradisjonar er viktig (20.12.10) HSR Ein av dei faste tradisjonane ved Haramsøy Skule før jul er at lærarane slår elevane i volleyball. Den tradisjonen var gjennomført i dag i fin stil. Lærarane lot elevane vinne fyrste settet, men så var det ikkje meir "goodwill" å hente. Lærarane vann 2-1 i sett. Takk for kampen kjære elevar, betre lukke neste år!!

Juleverkstad på barneskulen (20.12.10) KHF Tradisjonen tru hadde vi også i år juleverkstad på barneskulen. Dette er kjekke dagar der elevane arbeider i aldersblanda grupper. Vi har kjempeflinke elevar som kosar seg saman. Dei eldste elevane får vere gode førebilete og dei minste tek etter dei som er store. Desse dagane har vi også god hjelp frå foreldre og besteforeldre, som er flinke til å stille opp. Det er stas å få besøk på skulen. Ei stor takk til alle dei som hadde høve til å vere saman med oss og hjelpe oss i år. På juleverkstaden i år fekk elevane lage: Kleshengarar og hjerter. Sjå her! Filtmus, pepperkaker og julemannar. Sjå her! Filta juletre og lys. Sjå her!

Klart for finalar i volleyball (17.12.10) KU Kl 12 startar finalane i årets volleyballturnering. Dei innleiande kampane vart avvikla på formiddag, og no står finalespelet for tur. Magic og Rockets møtast i den store finalen kl 13.15. Måndag er det klart for kamp mellom elevane og lærarane. [Sjå bilder...]

Matematikk i gymsalen (16.12.10) KU Årets siste tentamen gjekk av stabelen torsdag. Matematikk stod på menyen, og alle klassene hadde gymsalen som arena for sin tentamen. No er det ikkje mange oppgåvene som står att før juleferien! Volleyballturnering, juleball og så er siste skuledagen før jul komen! [Les meir...]

Flotte produkt (14.12.10) KU Tysdag var det klart for dag 2 ungdomsskulen sitt juleverkstad. Elevane laga mange flotte produkt som dei kunne ta med heim. Her er nokre bilder frå dagen. [Les meir...]

Juleverkstad på ungdomsskulen (13.12.10) KU Det er tid for juleverskstad ved Haramsøy skule. Først ut er elevane ved ungdomsskulen. Lysstøyping, lefsebaking, dekorasjon, akvarellmåling, filting, baking, LED-lampe og kalender var dagens aktivitetar. [Les meir...]

Lys i mørketida (13.12.10) AMU Ute er det mørkt og kaldt, men inne har vi det godt og varmt og lyst. I dag var det ekstra mykje lys i mørket. Vi feira Luciadagen. Langt Luciatog med kvitkledde ungar og lys høyrer med denne dagen. Sjå bilete her

Lussekattar (10.12.10) BNA Mandag 13. desember skal vi gå Lusiatog. I dag var vi på kjøkkenet for å bake lussekatter til mandagen. Sjå bilete her.
Verkstad om jula. (09.12.10) GFU Alltid koseleg å lage noko frå julefortellinga. Elevane kosa seg på stasjonane. Med snøen som lava ned, var det ikkje noko å seie på julestemninga. Sjå bilete her.

Tentamensdebutantane (09.12.10) KU

For 8. klasse har denne veka vore spesiell. For første gong har dei hatt tentamen. Spenninga har vore stor og spørsmåla mange i dagane før heildagsprøvene i engelsk og norsk.

Les meir her

Mellomalderen del 2. (08.12.10) KHF

Etter å ha lært endå meir om mellomalderen, var det klart for å utkjempe hundreårskrigen på mellomsteget. Slaget stod i snøbrøyten på skuleplassen.

For bilete sjå her!

Mellomalderen (08.12.10) KHF

På mellomsteget dei siste vekene, har vi lært om Mellomalderen. Ettersom kjøkkenet no er nesten ferdig, fann vi ut at vi måtte prøve våre kreative evner.

For bilete sjå her!

Folkemøte (07.12.10) HSR
torsdag 9. desember på Nordøy Grendahus klokka 18.15.

Trafikknemnda i Haram arrangerer, i lag med fleire støttespelarar eit folkemøte om trafikktrygging torsdag. Vi oppmodar elevar, foreldre og tilsette ved skulen om å møte opp!!

For meir informasjon sjå plakatar rundt om, samt reportasje og annonse i Haramsnytt eller trykk her.

Gode fellesopplevingar (02.12.10) AMU

Vi er heldige som kan ta med oss heile barneskulen på skøyteisen. Fantastisk flotte og flinke elevar. Vel framme på Stormyra var det først niste, så fekk vi nyte varm dessert rett frå grillen. Gode pakkar med epler, smør, sukker og kanel. Tusen takk til mellomsteget som tok jobben med å lage pakkane. Etter ei stund kom også dei eldste i barnehagen. Bra vi har trygg is som bar alle saman. Herlege dagar i vakkert vintervèr.

Les meir

Hospitering (01.12.10) SR

Sjå bilete av 10.klassingane som framtidige 1.klassingar på vidaregåande skule. Frå hospiteringa ved Haram vidaregåande skule i Brattvåg. Bilete her

Ikkje tøft å vere død! (01.12.10) SR

Besøk av holdningskampanje i 10. klasse. Les kva som vart snakka om og sjå kven som kom på besøk her

Issprell før tentamen (01.12.10)SR

10.klasse tok seg ein tur på isen før fleire dagar med stillesitjing og tentamen startar. Sjå bilete her!

Minikonsert (29.11.10 ) BNA

På Haramsøy barne- og ungdomsskule har vi mange flotte og flinke elevar. Dei har talent av ulike slag bl. a innen dansing, speling og synging. Fredagen var dei invitert til konsert der dei sjølv hadde meldt seg på med det dei ville framføre.

For bilete sjå her!

Glasklar is på Storemyra (26.11.10 ) GS Det er svært sjeldan at kvaliteten på natur-is blir slik den er på Storemyra no. Ei glasklar, gjennomsiktig, solid og innbydande ishinne ligg og ventar på alle små og store som vil prøve skeisene. Elevane i femte og sjette klasse kosa seg i alle fall på isflata fredag. For bilete sjå her!

Nerveceller (26.11.10) IP Bilete frå nervecelleutstillinga! Skikkeleg nervepirrande! Sjå bilder her

Dansedag 3 m/ferjedansen (26.11.10) HSR For dei elevane som har vore med på desse danseprosjekta tidlegare år har ferjedansen med Kenneth vore eit høgdepunkt. Allereie fyrste dagen var det mange som lurte på om det vart ferjedans i år òg. Og det vart det!! Sjå bilder her

Stormyra here we come (25.11.10) AMU Speglblank og fin låg isen der klar til oss då vi ankom Stormyra i dag. Strålande sol skapte reine idyllen der oppe på fjellet. Kjekt for alle frå 1. - 4. trinn å få erfare skøyteisen. Mange fekk prøve skøyter for første gong. Elevane var kjempeflinke. Fleire fekk skikkeleg dreisen på skøytene. Les og sjå bilder

Dansedag 2 (25.11.10) HSR Dag to i danseprosjektet er over. Elevane er kjempeflinke og stemninga er veldig god i gymsalen. Sjarmen er skrudd på (sjå bilde) og det rykker i dansefoten! Sjå bilder frå dagen her

Skøytemoro (25.11.10) HSR Etter fleire dagar med kuldegrader høyrde vi rykter om at isen på vassverket var sterk og fin. Då bytta vi ut kunst og handverk med uteaktivitet i 9.klasse og gjekk opp for å leike på isen dei tre siste timane tysdag. Sjå bileter frå turen her.

Skulevegsgransking (24.11.10) HSR I samband med rullering av Haram kommune sin Trafikktryggingsplan gjeldande frå 2011-2014 (2018) gjennomfører kommunen no ei kartlegging av skuleveg og bruk av tryggingsutstyr. Vi ber derfor om at elevane og foreldra fyller ut skjemaet som er utsendt som ranselpost, og returnerer det til skulen. Frist for innlevering fredag 3.desember.

Dansing er gøy! (24.11.10) KU Det har etter kvart vorte tradisjon ved skulen vår å arrangere dansekurs på hausten. Elevar frå 7. klasse ved Flem og Haramsøy skule er med, saman med 8.-10. klasse frå skulen vår. 3 siste timane onsdag, 3 siste timane torsdag og 3 første timane fredag er sett av til å lære reinlender, polka, swing og vals. Og la det vere sagt med ein gong; elevane er utruleg flinke og positive! [Les meir...]

Det var ein gong..... (24.11.10) KU I 8. klasse er det folkedikting som står på planen i norsk. Tysdag framførte elevane 4 kjende eventyr for kvarandre. Her er nokre bilder frå den seansen. [Les meir...]

Tur til Amerika (19.11.10) BNA Torsdag 18. november skulle 3. og 4. klasse reise til New York i dei første utvandrarane sine fotefar. Sjå bilete her

Foreldrekafe`.............(19.11.10) GFU 1.klasse bad inn til kaffi og kaker, med litt underhalding. Tusen takk for støtta. Sjå bilete her

Fjelltur i India ...... (19.11.10) GFU Torsdag var1. klasse oppe på 8586 m.o.h. Utfordrane og spanande. Sjå bilete her.

Utedag ved Postvøren (19.11.10 ) GS Torsdag var mellomsteget på utedag ved Postvøren på Austnes. Vi gjekk fjøra frå skulen. Det nærmar seg jul, og elevane skal lage kvar sin nisse av stein i kunst og handverk. I fjøra frå Fiskerihamna til Postvøren er det mykje fin rullestein. Der måtte alle finne bårepolerte steinar som ved hjelp av lim og fargar skal bli nissar. For bilete sjå her!

Rakettdag på Røhammeren..... (18.11.10) AMU

Det er mykje kjekt ein kan finne på å leike når ein finn ein grill i skogen. Den var alt frå rakett som for ut i verdsrommet, til ei tidsmaskin som reiste tilbake til den tida då dinosaurane levde. Vi hadde ein herleg utedag i strålande sol.

Les meir

9. klasse testar smakar. (18.11.10) IP

Kvar på tunga kjenner ein best saltsmak? Kva smak kan ein kjenne dersom ein held seg att for nasen? Desse spørsmåla og fleire skaffa 9.klasse svar på. Litt må ein ofre for vitenskapen. Les meir her!

Nye stunt på naturfagsalen (16.11.10) KU

Korleis få ein ballong til å blåse seg opp, og deretter trekke seg saman inn i ei kolbe? Det var utfordringa 8. klasse fekk på måndag. Ved hjelp av det dei har lært om partikkelmodellen, skulle dei kome med ei hypotese, planlegge og gjennmføre eit eige forsøk. Med stor iver gjekk elevane inn for oppgåva. Gassbrennar, kolbe, vatn og is var mellom ingrediensane som vart nytta. [Les meir...]

Kjekk felleslunsj (16.11.10) KU

Tysdag hadde 9. klassa laga til felleslunsj for elevar og lærarar på ungdomsskulen. God mat smakar endå betre i godt selskap. Brødskiver, knekkebrød, egg, fiskepudding, kjøtpålegg og mykje anna snadder gjekk ned på høgkant. Her er nokre glimt frå lunsjen [Les meir...]

Ein dag med litt av kvart. (12.11.10 ) KHF

På mellomsteget lærer vi denne perioden om korleis Noreg blir styrt. Ein kjent kommunestyrerepresentant blei difor invitert til å snakke i klassa om kommunestyret i Haram. Det var kjekt og elevane hadde mange spørsmål.

Resten av dagen gjekk med til å lære å skrive personskildring.
Så måtte vi sjølvsagt nyte den fine dagen ute.

For bilete sjå her!

Alle barn har rett til .....(11.11.10) AMU

Her i Norge har vi mykje å vere takknemlege for. Verkstaden i dag handla om saker som Unicef arbeider for, nemleg rettane barn har. Alle barn har rett til å få ete seg mett, ei seng å sove i , å få gå på skule, få hjelp når ein er sjuk, reint vatn.....

Vi fekk også høyre forteljinga om harane og sjakalane som skulle slutte fred. Moralen i eventyret var : Den som vil narre andre, kan bli narra sjølv.

Les meir

Gymlærar Austnes (10.11.10) KU

Onsdag fekk 8. klasse ny gymlærar. Og det var ingen kven som helst som hadde dagens økt med basketball. Direkte - importert frå FK Viking, dukka Joakim Austnes opp som instruktør:)

Etterpå var det klart for skriving av autografar.
[Les meir...]

Oppdagingstur med opplæringsbåten "Havung" (05.11.10) GS

Torsdag hadde mellomsteget ein skuledag på havet. Arne Tunheim kom på besøk med opplæringsbåten "Havung". Elevane hadde sett fram til denne dagen lenge, for dei veit frå tidlegare år at det blir mykje spennande å sjå og mykje interessant å lære.

Sjå meir her!

Kort reisebrev frå 1. klasse (04.11.10) GFU

Bilete her

Plask , plask ut på tur.... (03.11.10) AMU

Det vart ein våt turdag for oss i dag, men pytt kva gjer vel det. " Vi tøle vatn". Ja, vi er meir som vikingar kom vi til. 2.kl tok turen via Vetteplassen og " Lissjemyra" før dei ankom Varden. 3. og 4. klasse var innom plassen der gapahuken skal kome og inspiserte der før dei kom til Varden. Det er alltid kjekt å kome til Varden. Der blir verdens beste hytter til og det er masse kjekt å finne på. Vi må nok innrømme at det var godt å kome inn igjen i dag. Koslig var det rett og slett. Då dempa vi lyset, åt mandarin og jobba i utebøkene våre.

Sjå meir

1. klasse på tur til India. (03.11.10) GFU

No er vi endeleg på reis.

Sjå korleis vi har det.

Stor kulturoppleving (02.11.10) KU

Tysdag fekk ungdomsskulen besøk frå Berlin. Rico Diessner imponerte med stor innleving, musikalsk kvalitet, og ikkje minst sine musikalske loopar. Ved hjelp av ein loopstasjon, bygde han opp musikken sin lag på lag. Ved bruk av stemme, instrument og andre remedier som td ei flaske, trylla han fram flotte stemningar. Eller som han sjølv sa det; "I am painting music".
[Les meir...]

Rakett-utskyting! (02.11.10) KU

Det skjer litt av kvart på naturfagsalen når Isabella tek med seg 8. klasse dit. Måndag skulle partikkelmodellen demonstrerast. Metoden var å lage sin eigen rakett, og så tolke kva som skjedde med partiklane i gass når gassen vart komprimert. [Les meir...]

Lyst å prøve deg på OD - HIV? (28.10.10) KU

Kvar fredag har elvane på u-skulen Hendt i veka (HIV). Det er 12 spørsmål som er knytt til hendingar den siste veka. I samband med OD, vil dagens Hendt i veka, ha Brasil som tema. Lyst å teste kunnskapen din? Sjekk spørsmåla her, og kanskje kjem fasiten over helga:) [Sjå spørsmåla...]
No med fasit! [sjå fasiten...]

113 (28.10.10) KHF

Kvart år sender Norsk Luftambulanse ut undervisningsopplegget 30+2. Dette er eit opplegg der elevane får lære hjerte-lungeredning. 7. klassingane får sin eigen undervisningspakke, slik at dei kan lære slekt og venner den livsviktige kunnskapen.

Ein stor takk til Norsk Luftambulanse for eit godt og viktig arbeid.

For bilete sjå her!

Kroppen-verkstad (28.10.10) BNA

I dag var temaet kroppen. Vi fikk høyre om dei ulike funksjonane til lungene, magesekken, tjukktarmen, tynntarmen, nyrene, hjertet og ikkje minst, hjerna!

Les meir

Under arbeid (28.10.10) HSR

Har byrja på litt vedlikehaldsarbeid på heimesida. Det gjer at ho ser litt rar ut her og der. Det skal bli bra men i ei lita periode blir det litt "rotete" Ein rekk ikkje å gjere alt på ein gong.

Internasjonal dag (27.10.10) KU

Idag har det vore temadag på ungdomsskulen som ei førebuing til Operasjon Dagsverk som er imorgon. Dagen starta med at elevane såg ein film som handla om Brasil. Så var det stasjonsjobbing i 4 ulike grupper. Kartgruppe og faktagruppe, samt to aktivitetsgrupper. [Les meir...]

OD - veke (26.10.10) KU

Denne veka er det internasjonal dag og Operasjon Dasgverk på u-skulen. Elevane på u-skulen kan ved å gjere eit dagsverk, vere med på å hjelpe ungdom i Brasil. OD - dagen er på torsdag. Onsdag skal vi ha Internasjonal dag med ulike aktivitetar.

For meir info: www.od.no

5. dag i leseveka (22.10.10) BNA

Fredag inviterte vi dei eldste elevane i barnehagen på besøk til oss. Mellomsteget hadde smurt på rundstykker som dei serverte på 1. klasserommet. Etter matøkta, bar det ned i storsalen der alle gruppene viste kvart sitt eventyr, som dei hadde øvd inn på dramadagen. Alle var kjempeflinke, snakka høgt, las var fortellerar og spelte ulike roller. Mange hadde fleire roller for å få dekt opp heile rollelista.

Sjå bilete her!

4. dag i leseveka (21.10.10) GS

Torsdag heldt leseveka vår fram med utedag og natursti. Og kven skulle tru at vi fekk full vinter? Løypa gjekk frå skulen via Røhammaren, Varden og ned att til skulen. Elevane gjekk i aldersblanda grupper.

Sjå bilete her!

3. dag i leseveka (20.10.10) KHF

I dag var det "den store dramadagen". Elevane blei delte inn i grupper. Kvar gruppe fekk i oppgåve å lage ei dramatisering av eit kjent og kjært folkeeventyr.

Etterpå var det sjølvsagt ei god økt med lesing.

Sjå bilete her!

2. dag i leseveka (19.10.10) GFU

Verkstad med Askeladden og dei gode hjelparane.

Spanande å ha verkstad med alle 7 klassene.

Sjå bilete her

Eventyrleg leseveke på barneskulen (18.10.10) AMU

Vi har fått oss flott lesebarometer i gangen på barneskulen. Denne veka er det leseveke med eventyr som tema. Vi skal prøve å få seglet til topps.

I dag , måndag var det åpning av leseveka med dramatisering av Tyrihans og Gullgåsa.

Les og sjå bilder

Pinnedyr-invasjon i 1. klasse (17.10.10) GFU

Her

Tusen takk til Rolls-Royce Marine, (17.10) GFU

som år etter år tenker på sikkerheita til 1. klassingane våre.

Litt meir her

Surdeigsbrød var godt (15.10) KU
8. klasse har jobba med bakteriar i naturfag. I samband med det har dei laga brød der hevinga skulle skje ved hjelp av bakteriar. Surdeigsbrød med blåbærsylte var snadder!
[Les meir...]

Reveenka
I dag dukka det opp ein kar som vandra rundt i Norge og samla inn eventyr. Han var på jakt etter Norske folkeeventyr. Han heitte Asbjørnsen... Vi fekk også høyre om kameraten hans som heitte Moe. Etter vi hadde blitt litt kjend med desse to karane og arbeidet deira, var det tid for film der vi fekk sjå eventyret om Reveenka.

Les meir

Haustdag på småskulesteget (30.9.10) AMU

Hausten er ei fargerik tid. Då har trea og plantane kunstutstilling i skog og mark. Vi snakka om ting vi haustar inn og fekk høyre eventyret om den vesle raude høna. Det var god arbeidslyst på alle verkstadgruppene.

Les meir og sjå bilder

MOT til å ...... (27.09) KU
Måndag fekk 8. klasse besøk av MOT - informatør Sigrun. Det vart ei kjekk økt med fokus på eigne valg, eigne draumar og eigne ynskjer. Elevane var aktivt med dei 3 timane. [Les meir...]

Studerte seg sjølv i mikroskop [27.09] KU
8. klasse har jobba med celler i naturfag. Måndag lot lærar Isabela elevane studere sine eigne celler i mikroskop.Det er alltid spennande og sjå kva som dukkar opp i linsa. [Les meir...]

Mistet/funnet (24.09.10) HSR

Lars har i den siste tida fått fleire og fleire eigendelar til kontoret som folk har funne rundt omkring. Det er sikkert nokon som saknar brillene, mobilen, nøkkelen, smykket eller ringen sin. Er du ein av desse, så ta kontakt med Lars eller nokon andre lærarar på u-skulen. Vil du sjå bilete større? Trykk her.

Mellomsteget på nøttejakt (24.09.10) GS

Den siste tida har elevane på mellomsteget lært om plantar, tre, busker og sopp som er vanlege her på øyane våre. Ei av buskene vi har snakka om, er hasselbusken.

Les meir her

1.- og 2.- klasse på haust-tur til Varden.

Les meir her

"Lisjemyr-dagen" (23.09.10) BNA

Ein flott utedag! Sjå her

FAU kallar inn til foreldrerådsmøte (21.09.10) KU

Tysdag 28. september vert det foreldrerådsmøte ved Haramsøy skule. Tidspunktet er kl 19.00. [Sjå innkallinga]

Gymtime med nye lærarar. (20.09.10) KHF

Fredag fekk to av 7. klassingane ansvar for å lage opplegg og leie gymtimen. Dette klarte dei med glans. Innsatsen var høg, og klassa var godt fornøgd med gymtimen.

For fleire bilete sjå her!

Potetverkstad (17.9.10) AMU

Verkstaddagen denne veka handla om poteter. Vi lærte om settepoteter, potetkål, fører og kvar poteta kom ifrå. Ein kreativ dag på alle gruppene. Sjå bilete frå dagen her

Teikneseriar i norsk [15.10] KU
Dei siste vekene har 8. klasse arbeidd med teikneseriar i norsk. Ei av oppgåvene var å lage eigne striper for å vise kva dei hadde lært om bruk av verkemiddel i teikneseriane. [Les meir...]|

8. klasse er orienterte :) [10.10] KU
I samfunnsfag har vi jobba med kart, og i kroppsøving har vi jobba med uthaldenheit. På fredag fekk elevane kombinere det dei har lært. Vi skulle ha stjerneorientering. [Les meir...]

Grilling og leikar (10.09.10) GS

Torsdag hadde mellomsteget utedag i strålande seinsommarver. Sidan vi ikkje har skulekjøkken å bruke, må vi legge "mat og helse" til utedagane. Denne gongen hadde vi fått tak i lekker laks. Den enda i foliepakkane i lag med poteter, gulrøter, purreløk, smør og krydder. "Eg liker ikkje fisk!" Mange elever er sikre i si sak. Dei har aldri smakt fisk, viser det seg. Og dei endrar fort meining.

Sjå fleire bilete her.

Fruktsalat i fjøra. (09.09.10) GFU

1. klasse på tur.

Sjå bilete her

Grilling av skive (9.9.10) BNA

3. og 4. steget leita etter biotopar rundt skulen. Vi grilla skivene våre på glør ved bålplassen Sjå bilete her

Godt med gulrot frå Ulla (9.9.10) AMU

I dag tok 2. trinnet turen til Ulla. Der fekk vi kome på besøk til ein åker med poteter og gulrøter. Det var stas å få ta opp poteter og gulrøter sjølv. Nam nam! Ullagulrota er verdens beste! Les meir

1. - 4. trinn på koseleg tur til bokbåten (8.9.10) AMU

Kjekt å få kome på besøk til bokbåten. Her finn vi nye og spennande bøker og får vere med på teater. Les meir.

Leikehytta har fått seg stige ! (8.9.10) AMU

Denne veka har 2.trinnet laga stige til leikehytta. Dei jobba som nokre heltar. Les meir

AKTIVITETSDAG PÅ UNGDOMSSKULEN (06.09.10) HSR

Torsdag 2. september var det aktivitetsdag på ungdomsskulen. Turen gjekk frå skulen opp på Røhammaren, ned Kantaraua til Tverrfjellet kor vi hadde base. Der måtte alle ha ein stopp slik at vi fekk samla oss før neste etappe. Neste etappe var topptur til Mannen (347 moh). For å motivere litt opp gjennom bakkane hadde lærarane hengt opp ein liten natursti langs vegen.
Turen var prega av elevar med godt humør og mykje energi.

Sjå bilete som Ane Buner tok på turen her.

Prinsessa på erta. (4.9.10) GFU

Torsdag starta vi opp med verkstad.

Flinke gruppeleiarar.

Bilete kan sjåast her

BAMSEFEST (29.08.10) GFU

FINT BESØK I 1. KLASSE

Trykk her for å sjå fleire bilete


Naturvev og bålmat (27.08.10) GS På mellomsteget har vi som mål å bli kjende med dei vanlegaste planten og plantefamiliane vi har rundt oss i naturen. Elevane har samla planter langs vegkanten, på enga og i skogen, og dei held på å lage seg herbarium. Vidare veit mange no kva som er forskjellen på kronblad, begerblad og støvberarar. Det er mange nye fagord som skal få innhald. Sjå fleire bilete her.

1.KLASSE PÅ BÆRTUR (26.08.11) GFU Torsdag rusta vi oss mot flottangrep, høge støvlar og regnkleda knappa godt igjen. Dermed var vi klare for bærplukking. Sjå kor flinke dei var.

Gøy med ripsbærplukking (26.08.10 AMU) I dag var 2.trinnet på tur til Jogeir sin hage. Der plukka vi rips i lange baner. Det vart til herlig dessert med vaniljesaus + ripsgele. Nam nam! Les meir og sjå bilder her

Utedag til "Johannesfjøra" (26.08.10 BNA) Første utedagen i det nye skuleåret. Trykk her for å sjå bilete frå turen.

Teambuilding på Goaldet (26.08.10 HSR) I går var 8.klasse på tur til Lepsøy for å bestige Goaldet 490 meter over havet. Trykk her for å sjå bilete frå turen

1. SKULEDAG (20.08 GFU) Flott ver, flotte elevar, barneskulen nyoppussa...... Berre glade fjes å sjå, så no ser vi fram til å ta fatt på eit nytt skuleår. Her er nokre bilete frå 1. klasse

Skulestart i godver (20.08.10) GS Sommaren kom til Haramsøya til skulestart. Fredag nytta vi sjanse til bading på storbåthamna. I tider med lite symjetrening er slike dagar til svært god hjelp. Og vi hadde det kjekt. Elevane på mellomsteget er flinke å symje og trygge i vatnet. Sjå fleire bilete her.

Velkomen til nytt skuleår! (15.08.10) HSR Det er skulestart for alle elevane torsdag 19. august. Elevane på barneskulen møter klokka 08.20 og elevane på ungdomsskulen møter 08.30. Haramsøy skule ønskjer alle velkomne til skuleåret 2010/2011! For dei som skal byrje i 1.klasse kan det vere greit å sjå på informasjonen som ligg under NYTTIG INFO og heiter "skulestart" (eller trykk her for å kome direkte dit). Om du er 8. klassing, kan du finne litt info her

SKULEÅRET 2009 / 2010

Takk for i år frå barneskulen! (18.06.10) GS Så er eit skuleår over. Vi lærarane har vore så heldige å få låne kjekke born delar av dagane sidan sist sommar. Det er stort å få vere vitne til kor mykje born veks på vel ti månader. Sjå meir her.

Tur til Moa (16.06.10) GS Sist torsdag reiste elevane på mellomsteget på klassetur til Ålesund og Moa. Første stopp var bowling på Baronen i Spjelkavika. Fire lag kjempa mot kvarandre. Innsatsen og humøret var på topp Sjå fleire bilete her.

0. klasse på besøk. (10.6.10)GFU Torsdag 3.juni hadde 0.klasse ein skuledag saman med 1.klassingane og onsdag 9. juni hadde dei med foreldra på ettermiddagstid. Sjå kor kjekke dei er:

Landsdelar i sanden (07.06.10) GS Torsdag var mellomsteget på tur til Sjur-Ola-sanden. Denne vekeplanperioden har elevane prosjektarbeid om dei ulike landsdelane i Noreg. Ei av oppgåvene var å bygge modellar av landsdelane i sanden. Sjå fleire bilete her.

Tre , blomster og rabarbra ( 3.6.10)AMU Spennande dag i skogen med tre og blomster som tema. Forskning , øving på tre, og plantenamn stod på programmet. 2. trinnet laga god rabarbrasuppe til oss. Les meir

På besøk i Katthult ( 27.05.10)AMU Verkstaddag om Astrid Lindgren. Ein spennande dag der Emil og Ida var i aksjon. Les meir

Tre kjekke dagar med SikkSakk Europa (26.05.10) GS Sist veke gjennomførte elevane på mellomsteget prosjektet SikkSakk Europa. Det er eit tilbod skulen får gjennom organisasjonen Ungt Entreprenørskap. Gjennom praktiske aktivitetar som fiskeribedriftspel og design av framtidsbil, fekk elevane eit spennande møte med land og ressursar i Europa. Sjå fleire bilete her.

Pinsetur i fjøra (20.05.10) (GFU) 1. og 2. klasse på tur i "Hallgeir-fjøra" Sjå bileta her

Jettegryter, plantar og sandslott ( 20.05.10)AMU Spennande utedag i Ullafjøra for 3. og 4. trinnet. I dag har vi lært om jettegryter og plantar. I tillegg hadde vi sandslottkonkurranse. Les og sjå bilder

Korleis Haramsøya har vorte forma (10.05.10) KHF I geografi denne perioden lærer mellomsteget om Noreg i kvartærtida. Torsdag var vi difor på sykkeltur til Haram for å finne ut korleis Haramsøya har vorte forma. Sjå fleire bilete her.

Takk til kjekke foreldre! Det er veldig kjekt å kome på skulen og sjå kor fint de har laga til for oss. Kjekt at ting vert fiksa og sett i stand. Spennande med nye leiker. Tusen takk! Sjå bilder

På tokt med Leiv Eiriksson (06.05.10) AMU Ullaholmen kan brukast til så mangt. I dag var den arena for å lære om Leiv Eiriksson. Ein kreativ, artig, skummel og spennande dag for 3. og 4. trinnet. Les meir

Mellomsteget med musikalsuksess (05.05.10) GS Etter påske har dei 23 elevane på mellomsteget øvd inn musikalen "Lausøyre eller andre løysingar". Torsdag i veke 17 var det klart for framføring på Haramsøy samfunnshus. Sjå fleire bilete her.

Storylinen: 27.04.10 GFU På tur for å sjå kvar skulen på Åkre stod. Her gjekk det over stokk og stein, mo og myr. Sjå bilete her.

På "fuglejakt" i fjøra (26.04.10) GS Torsdag var mellomsteget på utedag i fjøra. Vi gjekk tur frå H-Produkter og ut mot Håneset. På vegen tok vi oss god tid, grilla pølser, leitte etter levande kryp og høyrde etter fuglelydar. Vi har hatt om dei vanlege fuglane og høyrt på fuglelydar denne planperioden. Sjå fleire bilete her.

Spennande med storyline (22.4.2010 AMU) Vi har reist tilbake til 1950-talet og prøvar å finne ut mest mogleg om dei tre skulane som var på øya den gongen. Vi ringer, intervjuar, les, teiknar, skriv, bygg og undrar oss. Elevane er veldig flinke og vi er godt i gong. Litt bilder frå veka

Haramsøy skule 50 år (09.10.10) GS Torsdag før påske feira tilsette, elevar, foreldre og bygdefolk at Haramsøy skule er 50 år. På ungdomsskulen var det rigga til med biletutstilling som fortalde om utviklinga frå 1959 og fram til våre dagar. Vidare var det kafé for gjestar som vart kaffitørste og til slutt ei særs vellykka festframsyning i samfunnssalen. Sjå MANGE bilete her

1. og 2. klasse på tur til Åsgard (08.04.10) GFU Torsdag 8. april gjekk vi gjennom Jotunheimen og over til Åsgard Her møtte vi m.a. Fenrisulven. Sjå meir her

Fugleobservatørar (08.04.10 AMU) 3. og 4. trinnet var i dag på "jakt" etter fuglar. Dei hadde med skjema der dei skreiv inn antall fuglar med teljestrekar. Vi såg mange fuglesortar på veg til Sjurlafjøra, både trekkfuglar og standfuglar. Då vi kom tilbake til skulen laga vi søylediagram i utebøkene. Vi behandla dei dataene vi hadde samla inn på turen. Elevane var ivrige og flinke. Bilder frå dagen

Påskeverkstad (18.03 GFU) Torsdag 18.mars hadde småskulen påske som tema på verkstaden. Kom i påskestemning her

Kattekista (12.03.10)HSR I dag fekk elevane frå 1. - 7. klasse frå Haramsøy og Lepsøy besøk frå kultursekken. Denne gongen med forestillinga "Kattekista". Les meir og sjå bilete her.

Plask, plask ! Vi marsjerer i gummistøvler..... (11.03.10)AMU Gøy med utedag for heile barneskulen + dei eldste i barnehagen. Først var det natursti, så var det frileik. Masse spennande å leike med i elva og diverse dammar i dag. Kjekt å vere store og små ilag. 4. dag i aktivitetsveka er over. Bilder frå dagen

Dag 2 i aktivitetsveka. (09.03.10) HSR Aktivitetsløype stod på programmet i dag i høvet aktivitetsveka på barneskulen. Elevane vart delt i 6 grupper som fekk kvar sitt kart med avmerka postar. Alle skulle innom 4 postar. Sjå bilete her

Kick-off på aktivitetsveka!! (08.03.10) HSR I dag var det stor aktivitet i gymsalen då barneskulen hadde kick-off på aktivitetsveka si. Denne veka skal dei ha ulike aktivitetar frå klokka 10.30 til 12.00 kvar dag. Sjå nokre bilete her

Karneval 2010( 1.3.2010) AMU Bildekavalkade - sjå her

HUSK Grand Prix 2010!! (20.02.10) HSR Endeleg er bilda frå årets Grand Prix-forestilling ved Haramsøy Skule lagt ut. Ein fullsatt gymsal fekk oppleve 8 melodiar frå 50-/60-talet med nye tekstar, fantasifulle kulisser, kreativ dans og mange flotte vokalprestasjonar. Tradisjonen tru var bandet òg elevar frå ungdomsskulen med vår eigen "Grand Prix-general" Geir som kapellmeister! Sjå MANGE bilder her

Ein vanleg skuledag... (16.02.10) HSR Om ein står på utsida ser det ut som ein vanleg, solrik februardag på ungdomsskulen, men på innsida får du raskt eit anna inntrykk. På alle rom er det stor aktivitet. Sang, dans, snekring, maling, speling og diskusjon. Elevane førebur seg til HUSK GRAND PRIX som tradisjonen tru vert arrangert torsdag før vinterferien (kl 19.00). Sjå nokre bilete frå førebuinga her.

Renovering av barneskulen (16.02.10) HSR Alle klasseromma på Haramsøy barneskule skal no renoverast. Det skal leggast nye golvbelegg, setjast opp nye veggar og tak, og det skal setjast inn nye vindauge. Fram til no har det vore arbeid berre i kjellardelen av bygget men no vil snekkarane byrje det omfattande arbeidet med hovudetasjen. Då må elevane i 1.-4. klasse flytte frå dei vanlege klasseromma til andre, "nye" klasserom. Sjå meir informasjon her (pdf).

Skitur på Longva og Flem (05.02.10) GS Sist torsdag var elevane på mellomsteget på skitur på Longva og Flem. Nordøy Idrettslag har køyrt opp svært fine skiløyper med løypescooter. Løypenettet går over mest heile Flemsøy/Skuløy frå fjell til fjøre. Sjå fleire bilete her.

Same-verkstad på småskulen (04.02.10)GFU 6. februar nærmar seg og då er tid for å lære om samane. Sjå meir her

Fantastisk filmkonsert! Les meir

Prosjektarbeid om Antikken (02.02.10) GS I veke tre og fire arbeidde elevane på mellomsteget med tema "Antikken". I det låg ulike oppgåver frå det gamle Hellas, Roma og Romarriket. Tre grupper arbeidde med Romarriket, medan fire grupper tok føre seg det gamle Hellas. Sjå nokre av elevarbeida her.

Arbeid med likningane i 9.klasse (01.02.10) HSR Ordet likningkjem av verbet å likne. Å snakke i likningarer er å forklare noko som er vanskeleg å forstå, ved hjelp av bilete frå kvardagslivet. Dette har vi i 9.klasse teke bokstavleg og laga teikneserie av nokre av likningane Jesus fortalde. Sjå nokre av elevarbeida her.

Velkommen på filmkonsert søndag 31.01.2010 kl. 15.30 Barneskulekoret er klar med dans og sang. Vi gler oss veldig til å synge og danse saman med korpset. Generalprøve laurdag kl. 12.30.

Verkstad om vinter og vinterfargar (28.01.10) AMU I dag handla verkstaden om vinteren og korleis snøen fekk farge.Vi hadde ein kreativ og spennande verkstaddag. Les meir

Sov du? (26.01.10) HSR I dag fekk dei yngste på skulen sjå ei fartsfylt og humoristisk danseframsyning om to venner og dei siste eventyra deira når den eine søv over hjå den andre. Puter som regna og flaug, puter som gjekk sund så fjæra fauk. Laken og teppe vart til store dromedarar og til slutt i den magiske skumringa sovna vennene til John Blund.

Ny vri i faget mat og helse (26.01.10) HSR No etter jul har det vore byggjeaktivitet i kjellaren på barneskulen. Det har fått følger for undervisninga i Mat og Helse på ungdomskulen. Utan skulekjøkenet har lærar Sigrun vore nødt til å legge matlaginga til andre arenaer. Sist tirsdag stod bål med potet i folie på planen. Dette vart ein suksess! Fleire bilete kjem snart

Skidag på Longva (20.01.10) HSR/OEM Torsdag 14. januar dro alle elevane ved ungdomskulen til Longva for å kose seg på ski. På Longva hadde idrettslaget kjørt opp skispor og det var perfekte forhold. Det ble arrangert både prolog og jaktstart i klassisk stil, med stort engasjement og upåklageleg innsats i både gute- og jenteklassen. Fleire bilete ligg no her!

Intens øving! (22.01.10) HSR På barneskulen er det for tida intens song- og danseøving. Dei skal, tradisjonen tru, vere med på konserten til Haramsøy skulekorps. Dei syng og dansar med stor innleving! Vi oppmodar alle til å ta ein tur på konsert for å sjå og høyre desse flinke elevane den 31. januar på Haramsøy Samfunnshus!!

1.-4.klasse: ski/akedag på Longva (21.01.10)GFU Denne gongen var det småskulen sin tur til å nyte ein flott skidag. Vi fekk boltre oss i bakkane og prøve løypene. Sjå bilete her

Vinter er kjekt (19.01.10) GS Sist torsdag var elevane på mellomsteget på skitur til Bendik-bakken ovanfor Johannesgarden. Snøen blenkte og skein i den vakre vintersola. Vi hadde med ved, så det vart grilling. Elevane hadde med varm drikke og godt vinterutstyr, så dagen gjekk fort. Les og sjå meir her

5 rette (15.01.10) SR/HSR Heile 1.400 elevar frå 20 ungdomsskular spredt frå Nordfjorden til Romsdalsfjorden var med i nyhetskonkurransen ”5 rette”som Sunnmørsposten arrangerte i haust. Sidan den 12. oktober har elevane fått 5 spørsmål frå nyhetsbildet kvar veke. Dei tre beste laga skulle møtast til finale på Color Line stadion. 9. klasse si gruppe 9D låg på første plass før finalen og dermed vart det tur til byen. På grunn av at det vart delt 3.plass var det 4 lag som møtte til finale. Skarpare konkurranse med andre ord... Les og sjå meir her

Meir badebilete (15.01.10)HSR Kuldegrader og mykje snø har vore populært hos både unge og gamle i desember og januar. Sjeldan har vi hatt anledning til å dyrke vinterlege aktivitetar så lenge på ein gong. MEN når ein skal bade i sjøen kvar torsdag, er det nokre av oss som kanskje skulle ønskje at det ikkje var fullt så kaldt... Sjå fleire bilete her.

Årstidsverkstad (7.1.2010)AMU Spennande verkstad om året og månadene. Greier vi å lære namnet på dei 12 månadene og dei fire årstidene tru? Les og sjå meir frå årstidsverkstaden vår her