Julestemning på juleverkstad
 
I 3 dagar til endes har barneskulen hatt juleverkstad. Elevane har jobba jamt og trutt, og det gir som kjent resultat til slutt. Flotte produkt av mange slag har vorte produsert av mange ivrige hender. På menyen i år stod kremmarhus, englar, stjerne, fuglematar og klassikarane baking og lysstøyping.


Mange foreldre/besteforeldre/familie hadde høve til å stille som hjelparar, og det set vi stor pris på. Elevane er flinke og sjølvstendige, men det er jammen godt å ha nokre vaksne hender som kan hjelpe til dersom saksa ikkje vil klippe den vegen den skal, eller om limtuba finn ut at det kan vere på sin plass å sleppe ut ei ekstra stor klyse med lim.

Sjølv om lærarane legg ned mykje arbeid både i forkant og undervegs, betalar det seg att når ein ser iveren til elevane. Og med slik god arbeidsro og med slik god stemning på dei ulike stasjonane, vart årets juleverkstad ei god stund.

Her skal det lagast fuglematar. God instruksjon gjer det lettare å gjere ting rett heilt frå start.
Stjernegruppa  
   
   
   
   
   
Utan mat og drikke.....  
Dypping av lys høyrer med på juleverkstad.  
Her vert det laga kremmerhus.  
  Englegruppa
Kjevling av deig er ingen spøk! 7. klassing som hjelper ein 1. klassing. Det er ein av verdiane av aldersblanda opplegg.
Julemenn er favoritten på ei svært lita meiningsmåling vi føretok.  
Det krev konsentrasjon å lage ein flott dompapp. Her skal småfuglane sleppe å svelte til vinteren.