Historia i musikalen går føre seg på eit roteloft der ei tenåringsjente i trassalderen vekkjer til live ei gammal datamaskin. Det viser seg at maskina inneheld mykje spennande kunnskap. Kunnskap som endrar jenta si haldning til grunnlovsfeiringa vår. Gjennom dialogar, songar og bilete får publikum møte kjende personar som til dømes Henrik Wergeland, Carsten Anker, Christian Fredrik og Bjørnstjerne Bjørnson. Vidare får tilskodarane vere med på historiske hendinga som "Torgslaget", det første barnetoget og motstandskampen i andre verdskrigen. Eit tankevekkjande innslag om korleis ein flyktning opplever nasjonaldagen bringar oss fram til dagens Noreg.

Elevane vil gjerne takke Bjørn Peder Austnes og Torleiv Austnes som stilte opp og medverka til at lyd og bilete fungerte feilfritt. Og ei stor takk til alle som hjelpte til å rydde salen. Utan god støtte og hjelp frå foreldra hadde ikkje resultatet vorte så godt. Og så er vi svært takksame for at familie, slekt og bygdefolk stiller opp som publikum og heiar på elevane. Det hjelper oss til å gjere skulen til ein god stad å vere, til ein god stad å lære.