Desse treffa er alltid hyggelege. I år hadde vertselevane laga til ulike aktivitetar. Først var det ei runde med stjerneorientering ute. Vi delte dei vel femti elevane i sju alders- og skuleblanda grupper. Dei skulle finne sju postar og løyse oppgåvene dei møtte der. Det var ikkje så enkelt å tippe vekta på ein stein. Og kva heiter dei fire største øyane i Haram kommune, no igjen? Harøy? Valderøy? Der var mange forslag.

Etter ei matpause var det fotballturnering i Nordøyhallen med same laga. Framifrå innsats av alle etter evne. Og i hallen var det ikkje berre fotball ein kunne drive med. Mellom kampane gjekk det i leikar med og utan ball.  Dagen vart avslutta med film og popkorn. Kjekt å leike - kjekt å møtast -kjekt å vere mange i lag. Takk til hyggelege elevar og gode kollegar for triveleg besøk.