På utedagen torsdag hadde vi som mål at elevane skulle bruke det som veks i naturen til å lage fargerike naturvevar ute mellom greiner på tre. Elevane arbeidde i grupper på fem og fem, og den eine fargerike veven etter den andre dukka opp. Grøne strå og blad, blomar i gult, rosa, raudt og kvitt smilte mot oss.

Slik aktivitet skjerpar matlysta, og på grillbålet stod over tjue pakkar med lekker "brensenut" og putra og småkokte. Elevane var spente! Ville godbitane innpakka i folie smake godt? Svart melde seg då vi samla oss rundt grillbålet og opna pakkane. Det vart fort stille! Det var berre å nyte vel fortente godbitar. At knotten plaga oss litt, gløymde vi fort!