Så fekk vi kurs i fridykking med Andreas. Han la særleg vekt på tryggleik både under bading, dykking, fisking og båtbruk. Vi utforska Ullaholmen med eineståande bergformasjonar og jettegryter laga av havbåra. Vi besøkte Kvernhomen og Ulla fyr og lærte litt fyrhistorie. Nokre elevar fekk lære knutar og spleising. At fiskelykka ikkje var på topp, fekk våge seg. Ein liten lyr fiska på brua vart fangsten. Grønkrabbane fekk leve vidare i fred. Heldigvis hadde vi sikra oss med pølser og kotelettar til grillmat.

Men først og fremst lærte vi å ha det kjekt i lag, ta omsyn til kvarandre, vere hjelpsame og vente på tur. Vi hadde kjekke fellesmåltid på langbord i midtrommet. Og hyggelegare elevar enn dei på mellomsteget, skal vi leite lenge etter. Ikkje noko tull der i garden! Alle følgde reglane vi hadde vorte samde om. Derfor vart opphaldet svært hyggeleg for alle. Takk til kjekke og flinke elevar! Takk til Andreas for invitasjonen. Takk til Marianne og Kristina som heldt orden på våtdrakter og utstyr. Vi kjem gjerne tilbake til Ulla og havsportsenteret ein annan gong.