Grilling og leikar

Torsdag hadde mellomsteget utedag i strålande seinsommarver. Sidan vi ikkje har skulekjøkken å bruke, må vi legge "mat og helse" til utedagane. Denne gongen hadde vi fått tak i lekker laks. Den enda i foliepakkane i lag med poteter, gulrøter, purreløk, smør og krydder. "Eg liker ikkje fisk!" Mange elever er sikre i si sak. Dei har aldri smakt fisk, viser det seg. Og dei endrar fort meining.  Medan maten varme seg, var det tid for leikar som "Tante Knute", "Kanonball" og "Boksa går". Det skjerpa matlysta. Etter vel ein halv time over glødande grillkol, var det klart for utpakking. Lekkert! Ein liten klatt rømme på toppen, sette ekstra spiss på smaken. Og alle likte fisk!!

Vi jobbar med Norden for tida	Så skal pakkane med laksesnadder gjerast klare.
Snakk om flott og beinfri filet	Det er mykje arbeid å skjere poteter og grønsaker i små bitar
Tante Knute 1	Tante Knute 2
Tante Knute 3	Tante Knute 4
Tante Knute 5	Endeleg mat!! Fisk er godt!! Og særleg grilla laks!!!